«2020-ի հոկտեմբերի 9-ին ՌԴ-ն առաջարկել էր դադարեցնել պատերազմը․ Արցախը կմնար հայկական»․ Բենիամին Մաթևոսյան

Քաղաքագետ Բենիամին Մաթևոսյանը ֆեյսբուքյան իր էջում տեսանյութ է հրապարակել՝ կից գրառմամբ. «Փաշինյանը մերժեց Լավրովի օգնությունը, մենք կորցրել ենք Շուշին, իսկ հետո՝ ողջ Արցախը։ Ռուսաստանը դեռ 2020 թվականի հոկտեմբերի 9-ին առաջարկել էր դադարեցնել մարտական գործողությունները, դրա շնորհիվ Արցախը կմնար հայկական։ Ադրբեջանի ԱԳՆ ղեկավար Ջեյհուն Բայրամովի խոսքով, եթե Մոսկվայի ծրագիրը ընդունվեր, դա կլիներ վերջը ամեն ինչին, իրավիճակը կսառեցվեր, և «ադրբեջանական հողերի» «ազատագրումը» կդառնար անհնար։
Ծրագիրը ենթադրում էր հոկտեմբերի 9-ի լույս 10-ի կեսգիշերից բոլոր ռազմական գործողությունների դադարեցում շփման գծի վրա։ Գծի արևելյան կողմում ենթադրվում էր տեղակայել ռուս խաղաղապահներին ադրբեջանական բանակի հետ համատեղ, իսկ արևմտյան կողմում՝ ռուս խաղաղապահներին և հայկական զինված ուժերին։ Ծրագիրը չէր ենթադրում հայկական բանակի դուրսբերում ԼՂ-ից։ Սակայն, հայկական կողմը նույնպես դեմ էր արտահայտվել փաստաթղթին։
Սա այն ամենն է, ինչ պետք է իմանալ այն մասին թե 2020 թվականի պատերազմն ինչպես կարող էր ավարտվել։ Էլ չենք խոսում ՀԱՊԿ առաջարկների ու նախազգուշացումների մասին»։