«Աշխատում ենք, բայց մեր խեղճ ու կրակ կոպեկը չենք ստանում»․ բողոքի ակցիա՝ Հրազդանում

Հրազդանի ցեմենտի գործարանի աշխատակիցները բողոքի ակցիա են իրականացնում՝ բողոքելով, որ աշխատավարձ չեն ստանում։ «Մենք աշխատել ենք, արտադրել ենք, առք ու վաճառք է եղել, իսկ էսօր հավաքվել ենք, վզներս ծռած մեր խեղճ ու կրակ կոպեկն ենք ուզում։ Մարդիկ տարուց ավելի է՝ աշխատավարձ չեն ստացել, ոչ ասում են ազատված եք՝ գնացեք տուն, ոչ աշխատավարձ են տալիս։ Մենք պահանջում ենք կառավարությունից, որ համապատասխան մարմիններին ուղղորդեն՝ գան, զբաղվեն այս հարցով։ Եթե հարցը չլուծվի, կոչ ենք անելու դուրս գալ, ճանապարհ փակել»,- ասաց ակցիայի մասնակիցներից մեկը։