«Մեկդ կանչեք Ռուբենին բանավեճի․ շատ է տենչում»․ Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան էջում գրում է. «Մեկդ կանչեք Ռուբենին բանավեճի։ Շատ է տենչում։ Անընդհատ ուզում է ճամարտակել։ Ալենի վրա ԱԺ նախագահի շորերը փոքրացել են և ինքնահռչակ թեկնածու կա, որը անպոչ գդալի պես իրեն նետում է աջ ու ձախ։
Խորախորհուրդ Դավիթ Անհաղթն է նրա իդեալը, որն իր կոչումը վաստակել է սուր և բանական մտքի շնորհիվ՝ ուսանելով հունական փիլիսոփայության V-րդ դարի ռահվիրաների մոտ։
Նորանիկոլականության ջատագով Ռուբենը Ստամբուլի Grand Bazarum է բլբուլ կտրել XXI-րդ դարում, Քափալըչարշիի (փակ շուկա) չարչիների հետ՝ ուսման տարիներին գին գցելով, դրա համար արժանացել է «Բազառչի» մականվանը։ Մի «բանավեճ» եմ դիտել ՀՀՇ-ական Արամ Մանուկյանի հետ, որը «հայրաբար» նրան խնայեց։ Բայց Ռուբեն Բազառչին սթրվող տեսակից չէ և ով համարձակվի Նիկոլին կանչել մե՜ծ բանավեճի պետք է հաղթահարի Բազառչիի մտքի անհասանելի հորիզոնական և տափակ բարձունքները»։