«Փաշինյանի անունը լսել չեն ուզում ոչ միայն Հայաստանում, այլև դրսում»․ Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը․ «Վրաստանի խորհրդարանն ընդունել է օրենք, որով սահմանափակում է արտասահմանում բնակվող իր քաղաքացիների ընտրելու իրավունքը: Դե ասում են՝ Վրաստանից երկար ժամանակ բացակայում են, ներկա քաղաքական իրավիճակի մասին լավ տեղեկացված չեն, չեն կարող ճիշտ ընտրություն կատարել։ Վրաստանն այս օրենքը ընդունելիս հղում է արել իր հարևան Հայաստանին, որտեղ ևս նման սահմանափակում կա։
Օրենքները նման են, սակայն իրավիճակները՝ խիստ տարբեր։ Օրինակ՝ կարծիքներ կան, որ Վրաստանի իշխանությունը նման կերպ է վարվում, որովհետև դրսում ապրող վրացիների աջակցությունը չունի, ընտրություններում հակառակ կքվեարկեն։ Հայաստանի պարագայում հակառակն է․ Սփյուռքից ստացող ազդակները վկայում են, որ եթե դրսում բնակվող մեր հայրենակիցներն ունենան քվեարկելու հնարավորություն, Նիկոլ Փաշինյանի իշխանությունը կտապալվի շատ ավելի հեշտ։ Եթե 2018 թվականից սկսած մի քանի տարի սփյուռքի մեր հայրենակիցների աջակցությունն էր մեծամասամբ վայելում, հիմա նրա անունը լսել չեն ուզում ոչ միայն այստեղ՝ Հայաստանում, այլև դրսում։
Վրաստանը, ի դեպ, հետաքրքրվել է նաև համայնքների խոշորացման Հայաստանի փորձով և դրա արդյունավետությամբ։ Այդ իմաստով ասեմ, որ թեև ժողովրդի համար ընդունելի չէ խոշորացումը, իր համար բազմաթիվ անհաարմարություններ է ստեղծում․ բայց իշխանության համար, հատկապես՝ ընտրությունների ժամանակ, խիստ ձեռնտու է։ Օրինակ բերենք վերջին փորձը․ ընտրություններից առաջ Փաշինյանի կառավարությունը միավորեց Վաղարշապատ և Խոյ համայնքերը և միայն դրա շնորհիվ իր թեկնածուն ընտրվեց։
Վրաստանի իշխանությունները չգիտեմ ինչ նպատակներով են հետևում Փաշինյանի կառավարության փորձին, բայց սրանց օրինակին հետևելով՝ դժվար կառուցեն ժողովրդավարություն»։