«Սարսափելի է պատկերացնել, որ նա հայ-թուրքական հարաբերություններում Հայաստանի բանագնացն է». Արմեն Աշոտյան

ՀՀԿ փոխնախագահ Արմեն Աշոտյանի ֆեյսբուքյան գրառումը․ «Երեկվանից նիկոլական քարոզիչները լծվել են Փաշինյանի վրայից արյունաբեր դավաճանի խարանը մաքրելու գործին։
Անիրատեսական, անիմաստ զբաղմունք, քանզի բանակցային փաթեթների երեկվա հրապարակումից հետո նրանց դավաճանությունը դառը, բայց պարզ ճշմարտություն է։
Սրանց քարոզչության հավաքական կերպարը սույն երիտասարդն է՝ դատարկ, ապուշ խոսույթով և պրիմիտիվ «սրամտություններով»։
Նա չգիտի անգամ, որ հերձում են դին, ողջ մարմինը, ոչ թե առանձին-առանձին մարմնամասերը, այդ թվում՝ նրան այդքան ինքնաոգևորող։
Ավելին, ես հերձել եմ և հերձելու եմ սրանց ստերը՝ անընդմեջ և անընդհատ։
Ու, հա, սարսափելի է պատկերացնել, որ բացի ԱԺ-ում տափակ հումորներ և դատարկ ստեր խոսելուց, նա նաև հայ-թուրքական հարաբերություններում Հայաստանի բանագնացն է։
Իսկ նրանց բանակցային կռուտիտներին կանդրադառնամ լրացուցիչ»: