Իլոն Մասկի կարողությունը պատմության մեջ առաջին անգամ հասել է 600 միլիարդ դոլարի

1961

Երեքշաբթի, 16 դեկտեմբերի, 2025 թ., 00:41

Forbes-ը հաղորդում է, որ SpaceX-ի հիմնադիր Իլոն Մասկի կարողությունը պատմության մեջ առաջին անգամ հասել է 600 միլիարդ դոլարի։
Հրապարակման համաձայն՝ Մասկը ևս մեկ կարևոր քայլ է կատարել աշխարհի առաջին տրիլիոնատերը դառնալու ճանապարհին։ Այս ամսվա սկզբին նրա հիմնադրած SpaceX ընկերությունը ներդրողների համար իր արժեքը գնահատել է 800 միլիարդ դոլար՝ օգոստոսի 400 միլիարդ դոլարի համեմատ, Forbes-ին հայտնել են երկու ներդրողներ։ Սա Մասկի կարողությունը, որի մոտ 42%-ը պատկանում է SpaceX-ին, մեծացրել է 168 միլիարդ դոլարով՝ հասցնելով մոտավորապես 677 միլիարդ դոլարի՝ ժամը 12:00-ի (Երևանի ժամանակով 21:00) դրությամբ։

2024 թվականին Informa Connect Academy վերլուծական խումբը կանխատեսել էր, որ Մասկը կարող է դառնալ պատմության մեջ առաջին դոլարային տրիլիոնատերը մինչև 2027 թվականը՝ հիմնվելով տարեկան միջին աճի տեմպի վրա՝ 110%։ Գործարարը 2021 թվականին առաջին անգամ գլխավորել է Forbes-ի աշխարհի ամենահարուստ մարդկանց ցուցակը՝ առաջին տեղից դուրս մղելով Amazon-ի հիմնադիր Ջեֆ Բեզոսին։ Այդ ժամանակ ամսագիրը նրա կարողությունը գնահատում էր 271.3 միլիարդ դոլար։

Հատկանշական է, որ հոկտեմբերին Մասկը դարձավ նաև պատմության մեջ առաջին մարդը, որի կարողությունը հասավ 500 միլիարդ դոլարի։