«Ամենավստահելի և ընդունելի տարբերակը Միքայել Սրբազանի թեկնածությունն է». Արամ Նավասարդյան

«GALLUP International Association»-ի հայաստանյան ներկայացուցչության ղեկավար Արամ Նավասարդյանն այսօրվա ասուլիսի ժամանակ ներկայացրեց՝ «Գնահատեք՝ հետևյալ գործիչներից յուրաքանչյուրը որքանո՞վ կարող է առաջնորդել հասարակության հոգևոր և հասարակական առողջացմանն ու միասնությանը» հարցման արդյունքները: «Պատկերը հետևյալն է՝ Միքայել Սրբազան - 7,2 բալ, Ամենայն հայոց կաթողիկոս - 5,7 բալ, Գագիկ Ծառուկյան - 5,5 բալ, Սամվել Կարապետյան - 5,1 բալ, Նիկոլ Փաշինյան - 4,7 բալ, Բագրատ Սրբազան - 4,5 բալ, Ռոբերտ Քոչարյան - 3,4 բալ, Վահագն Խաչատուրյան - 3,3 բալ, Սերժ Սարգսյան - 2,9 բալ, Րաֆֆիի Հովհաննիսյան - 2,8 բալ, Լևոն Տեր-Պետրոսյան - 2,4 բալ»,- նշեց Նավասարդյանը՝ ընդգծելով, որ առաջին երկու ցուցանիշները գրանցել են եկեղեցու ներկայացուցիչները: «Ամենավստահելի և ընդունելի տարբերակը Միքայել Սրբազանի թեկնածությունն է»,- հավելեց նա: