Ապրիլի 19-ը սահմանվել է Խորհրդային ժողովրդի ցեղասպանության զոհերի հիշատակի օր

ՌԴ նախագահ Վլադիմիր Պուտինն ստորագրել է օրենք, որով ապրիլի 19-ը սահմանվում է՝ որպես 1941-1945 թվականների Հայրենական մեծ պատերազմի ժամանակ նացիստների և նրանց հանցակիցների կողմից իրականացված՝ Խորհրդային ժողովրդի ցեղասպանության զոհերի հիշատակի օր: Փաստաթուղթը հրապարակվել է իրավական ակտերի պորտալում։

Նոր հիշատակի ամսաթիվը սահմանող օրինագիծը «Եդինայա Ռոսիա»-ն Պետդումային է ներկայացրել նոյեմբերին: Ամսաթիվն ընտրվել է մի պատճառով. 1943 թվականի ապրիլի 19-ին ընդունվել է ԽՍՀՄ Գերագույն խորհրդի նախագահության թիվ 39 հրամանագիրը՝ նացիստ հանցագործների և նրանց հանցակիցների պատասխանատվությունը քաղաքացիական բնակչության նկատմամբ կատարված վայրագությունների համար սահմանող առաջին իրավական ակտը։

«Այս ամսաթիվը դարձել է հանցագործությունների գրանցման և հետաքննության չափանիշ: Ավելին, այս օրը արդեն մի քանի տարի է, ինչ անցկացվում են համազգային հիշատակի միջոցառումներ: Վերջին տարիներին ռուսական դատարանները ապացուցել են, որ երկրի 34 շրջաններում ավելի քան 8 միլիոն մարդ տուժել է խորհրդային ժողովրդի ցեղասպանությունից»: «Սրանք կանայք են, երեխաներ, հաշմանդամներ և տարեցներ», - նշել է փաստաթղթի հեղինակը՝ Պետդումայի քաղաքացիական հասարակության զարգացման կոմիտեի փոխնախագահ Օլգա Զանկոն։

Դեկտեմբերի կեսերին Պետդուման ընդունեց օրինագիծը։ Այն ուժի մեջ կմտնի 2026 թվականի հունվարի 1-ից։