Իրանը Կանադայի ռազմական նավատորմը հայտարարել է ահաբեկչական կազմակերպություն

Իրանը Կանադայի ռազմական նավատորմը հայտարարել է ահաբեկչական կազմակերպություն։ Այս որոշումը կայացվել է Օտտավայի կողմից Իսլամական հեղափոխության պահապանների կորպուսը (ԻՀՊԿ) սև ցուցակում ներառելուն ի պատասխան:
Հրապարակման համաձայն՝ Թեհրանի հայտարարությունը սրել է երկու երկրների միջև լարվածությունը և նոր մտահոգություններ է առաջացրել դիվանագիտական ​​հետևանքների վերաբերյալ։

Նախկինում հաղորդվել էր, որ Կանադայի դեսպանը կանչվել է Իրանի արտաքին գործերի նախարարություն՝ ԻՀՊԿ-ն ահաբեկչական կազմակերպություն ճանաչելու կապակցությամբ։ Իրանի արտաքին գործերի նախարարությունը որոշումը որակել է անօրինական և սադրիչ, քանի որ ԻՀՊԿ-ն Իրանի պաշտոնական զինված ուժերի անբաժանելի մասն է կազմում։

Կանադայի հանրային անվտանգության նախարար Դոմինիկ ԼեԲլանկն իր հերթին հայտարարել է, որ Օտտավան որոշել է Թեհրանին ազդանշան ուղարկել «ԻՀՊԿ-ի դեմ պայքարում իր տրամադրության տակ գտնվող բոլոր գործիքներն օգտագործելու» պատրաստակամության մասին։

Ավելի վաղ Կանադան կոչ էր արել իր բոլոր քաղաքացիներին անհապաղ լքել Իրանը։