Իսպանիայում տարեց տղամարդը փորձել է ինքնաթիռ նստել կնոջ դիակի հետ միասին

Իսպանական Տեներիֆե կղզու օդանավակայանում ձերբակալվել է ուղևոր, որը փորձել է ինքնաթիռ նստել՝ հրելով անվասայլակը, որի վրա իր մահացած կինն է եղել:

Օդանավակայանի անվտանգության աշխատակիցը նկատել է, որ կինը չի արձագանքում։ Ստուգման արդյունքում պարզվել է, որ նա չի շնչում, և նրա մարմնի ջերմաստիճանը զգալիորեն ցածր է կենդանի մարդու ջերմաստիճանից։ Անձնակազմը զանգահարել է անվտանգության ծառայության, քաղաքացիական գվարդիայի և դատաբժշկական փորձագետների։

80-ամյա մի տղամարդը հայտնել է, որ իր կինը մահացել է օդանավակայանում թռիչքից մի քանի ժամ առաջ։ Տարեց տղամարդը կնոջ մահվան մեջ մեղադրել է օդանավակայանի վարչակազմին՝ նշելով, որ ողբերգությունը պայմանավորված է տերմինալի ենթակառուցվածքներով։