Մակրոնը խոստանում է կրկնապատկել Ֆրանսիայի պաշտպանական բյուջեն իր նախագահության ընթացքում

Ֆրանսիայի նախագահ Էմանուել Մակրոնը հինգշաբթի օրը խոստացել է, որ իր նախագահության ավարտին Ֆրանսիայի կողմից պաշտպանությանը և զինված ուժերի զարգացմանը հատկացվող միջոցների չափը կկրկնապատկվի 2017 թվականի համեմատ, երբ նա իշխանության է եկել։
«Եթե ուզում ենք ազատ մնալ, պետք է, որ մեզնից վախենան։ Մենք պետք է ուժեղ լինենք... Այդ պատճառով ես ցանկություն հայտնեցի հասնելու մինչև 2027 թվականը տարեկան պաշտպանական բյուջեն 64 միլիարդ եվրոյի հասցնելու նպատակին, որը սկզբնապես նախատեսված էր 2030 թվականի համար։ Այսպիսով, երկու ժամկետների ընթացքում զինված ուժերի բյուջեն կկրկնապատկվի»,- ասել է Մակրոնը Ֆրանսիայի հարավում գտնվող Իստր ավիաբազայում: Ֆրանսիացի առաջնորդը հավելել է, որ շուտով կնախաձեռնի 2024-2030 թվականների ռազմական ծրագրավորման մասին օրենքի թարմացում, որը ներկայում նախատեսում է մինչև 413 միլիարդ եվրո հատկացնել Ֆրանսիայի զինված ուժերին։