«Շնորհակալություն եմ հայտնում Թուրքիայի ԱԳ նախարարին»․ Ալեն Սիմոնյան

Անդրադառնալով Թուրքիայի ԱԳ նախարար Հաքան Ֆիդանի հայտարարությանը՝ Ալեն Սիմոնյանն ասել է, որ մի շարք լրատվամիջոցներում այն խեղաթյուրվել է․ «Մարդն ասում է՝ հանրությունը աջակցում է էն գործընթացին, որը գործող իշխանությունը տանում է առաջ։ Որտե՞ղ է հանրություն և իշխանություն բառի մեջ իր աջակցությունը 2026թ․ ընտրություններին․․․ Ինչ վերաբերում է ընդհանուր ասածին, շնորհակալություն եմ հայտնում Թուրքիայի ԱԳ նախարարին և բոլոր այն գործընկերներին, որոնք աջակցում են ՀՀ հանրության մեծամասնության՝ խաղաղության գնալու, առևտուր անելու, ինչպես նաև ԹՐԻՓՓ-ի շրջանակներում էդ առևտուրը զարգացնելու կոչերին»,- նշել է նա։

Ավելի վաղ Ֆիդանը նշել էր, որ Հայաստանում անցկացվելու են ընտրություններ, և որ այդ գործընթացը կարևոր փուլ է լինելու․ «Մենք տեսնում ենք, որ ՀՀ վարչապետ Նիկոլ Փաշինյանն այժմ առաջատար է հասարակական կարծիքի հարցումներում։ Մենք իսկապես աջակցում ենք նրա կառուցողական դերակատարմանը այդ հարցում։ Այս գիծը, այս կամքը պետք է շարունակվի»։