«Նարեկ Սամսոնյանը հացադուլի հետևանքով օրեցօր հյուծվում է»․ Աստղիկ Մաթևոսյան

«Անտիֆեյք»-ի խմբագիր, փաստաբան Աստղիկ Մաթևոսյանը, անդրադառնալով Նարեկ Սամսոնյանի հացադուլին ու առողջական վիճակին, ասուլիսի ժամանակ ասաց․ «Նարեկ Սամսոնյանը հացադուլի հետևանքով օրեցօր հյուծվում է, դա բնական գործընթաց է, չենք կարող պայքարել բնության դեմ։ Մենք կարող ենք ուժեղ լինել՝ հոգեբանորեն, վճռականությամբ, բայց բնության դեմ չենք կարող պայքարել․․․ Մեր թիմի համար ամեն օրը 1 օր չէ, 5,10 օր է։ Հարցը հրատապ է»։ Դիմելով լրագրողներին՝ շարունակեց․ «Կոչ եմ անում նույն ՄԻՊ-ին հարցադրում անել՝ արդյոք տեղյակ եք ինչ հոդվածով է Նարեկը կալանավորված, արդյոք տեղյակ եք՝ նրան ինչ բառ է վերագրվում, ինչու չեք իրականացնում ձեր գործառույթները»։ Մաթևոսյանի խոսքով՝ Սամսոնյանին արագ բուժհաստատություն տեղափոխելն առաջնահերթություն է։