«Մրցանակն ուղեկցվում է դրամական պարգևով․ ինչի՞ վրա է այն ծախսվելու»․ Արա Պապյան

Դիվանագետ, ԱԺԲ անդամ Արա Պապյանը ֆեյսբուքյան իր էջում գրում է. «Հարց ՀՀ կառավարության աշխատակազմին
Վերջերս լայնորեն լուր տարածվեց, որ Փաշինյանն ու Ալիևն արժանացել են Զայեդ մրցանակին։
Զայեդ մրցանակը (լիարժեք անվանումը՝ Zayed Award for Human Fraternity) միջազգային մրցանակ է, որը հիմնադրվել է 2019 թվականին Արաբական Միացյալ Էմիրություններում։ Այն կոչվել է ԱՄԷ-ի հիմնադիր առաջնորդի՝ Շեյխ Զայեդ բին Սուլթան Ալ Նահյան անունով։
Մրցանակը սովորաբար ուղեկցվում է դրամական պարգևով (մոտ 1 մլն ԱՄՆ դոլար)։
Հարց․ Արդյոք արդեն կա որոշում ինչի՞ վրա է ծախսվելու կամ հատկացվելու այդ գումարը»։