«Քո առողջությունը պետք է ընտանիքիդ. դադարեցրո՛ւ հացադուլը»․ Մհեր Մկրտչյան

Ռեժիսոր Մհեր Մկրտչյանը ֆեյսբուքյան իր էջում գրում է․ «Նարեկ Սամսոնյանին․
Նարեկ ջան, դու արդեն ապացուցեցիր, որ պատրաստ ես անձնազոհության: Հեշտ էր գրել՝ Պինդ եղիր, հացադուլիդ առաջին օրերին: Հիմա հեշտ չի:
Քո առողջությունը պետք է ընտանիքիդ, երեխեքիդ: Դու ապացուցելու բան չունես: Ուղղակի պետք ես առողջ:
Հավաքական ընդդիմությունն էլ ապացուցելու բան չունի՝ կարող է միայն հարցազրույց տալ: Ավելիին ընդունակ չէ:
Կամ... երևի կգա մի օր... երբ ընդդիմության որոշում ընդունողներին կհարցնեն՝ ո՞րն է ձեր համար մարդկային արժեքը: Այն արժեքը, որը միշտ անփոփոխ է: Ու երևի կհնչեն լղոզված պատասխաններ:
Թիմդ լավ թիմ ա՝ քեզ հավատարիմ:
Գիտեմ, թրենդից դուրս բան եմ ասում՝ դադարեցրու հացադուլը»: