«Ստեղծման օրվանից «Հայրենիք»-ն անհանգստացնում է Փաշինյանին». Բաբկեն Հարությունյան

«Ինչպես գիտեք, կուսակցության նկատմամբ իրականացվում են ճնշումներ: Ապօրինի կերպով ձերբակալվել են կուսակցության գլխավոր քարտուղար Խաչիկ Գալստյանը, Էջմիածնի տարածքային կառույցի պատասխանատու Արամ Քոչարյանը: Հրավիրում ենք ներկայացուցչության ուշադրությունը՝ նշված գործին»,- ՀՀ-ում ԵՄ գրասենյակի դիմաց «Հայրենիք» կուսակցության կազմակերպված ակցիայի ժամանակ ասաց կուսակցության գործադիր մարմնի անդամ Բաբկեն Հարությունյանը: Նրա խոսքով՝ կուսակցությունը Փաշինյանին անհանգստացնում է ստեղծման օրվանից: