«2000-ականներին արված ասֆալտն ավելի լավ վիճակում է, քան մեր օրերի այս աղբը»․ Նաիրի Հոխիկյան

Լրագրող, հանրային գործիչ Նաիրի Հոխիկյանը ֆեյսբուքյան իր էջում գրում է․ «Օրեր առաջ Երևանի Շենգավիթ վարչական շրջանում ընթացքի ժամանակ մեքենայիս անիվի տակ ճանապարհի ասֆալտը քանդվեց, ինչի հետևանքով ամենագնաց մեքենայի անիվներից մեկը հայտնվեց նորաբաց խորը փոսի մեջ։ Այսօր իմացա, որ վնասվել են մեքենայի ընթացքային մասի մի քանի դետալներ, իսկ այդ ճանապարհի ասֆալտը, պարզվում է, արել են մի քանի ամիս առաջ։
Նիկոլի գովերգած ասֆալտային կառավարությունը ճանապարհների վրա աննշան չափի խիճ ու բիտում է օգտագործում, ասֆալտային շերտի հաստությունը և լայնությունը անում է նախագծով նախատեսվածից զգալի քիչ, չնայած բյուջեից վերցնում է ավելի շատ փող։
Դրա հետևանքով ճանապարհի ասֆալտը սկզբում թեպետ գեղեցիկ տեսք ունի, բայց ընդամենը մի քանի ամսվա ընթացքում խնդիրները երևում են, իսկ անձրևի, ձյան կամ շոգ եղանակի ազդեցությամբ միանգամից քանդվում է և վտանգավոր դառնում երթևեկության համար։
2000-ականներին Հայաստանում արված ասֆալտը ավելի լավ վիճակում է, քան մեր օրերի այս աղբը, որ փռում են ճանապարհներին ու մարդկանց խաբում, թե գործ են անում։
Կոչս, խնդրանքս, պահանջս երկրի կառավարությանը։ Ավելի լավ է, բյուջեի փողը հենց այնպես կերեք, թալանեք, մեզ հանգիստ թողնեք, քան թե ցույց տաք, թե գործ եք անում, որակի վրա խնայեք, երկրի բյուջեն թալանեք, ժողովրդի համար էլ պատուհաս դառնաք»։