«Նամակ ենք բերել ՀՀ գլխին. այս գլուխն՝ իր գլխիկներով, կերավ մեզ». ակցիայի մասնակից

«Նամակ ենք բերել ՀՀ գլխին: Այս նամակի մեջ արտացոլվում է՝ ինքը պատասխանատու է Սահմանադրության բոլոր կետերի կատարման համար: Հիմա այս գլուխը իր գլխիկներով կերան մեզ. Սահմանադրությունը ոտնահարեցին, Եկեղեցին քանդում են, ոչ ոք ձայն չի հանում»,- նախագահականի մոտ ընթացող ակցիայի ժամանակ ասել է մասնակիցներից մեկը: Նա նշել է, որ ժողովրդի հարկերի հաշվին ապրում են՝ ժողովրդին կեղեքելով. «Եթե ՀՀ ղեկավարությունն է մեզ հետ սենց վարվում, մենք պետք է չնեղանանք ուրիշ երկրներից: Այն մուրճը, որ 2021 թվականին տվեցին սրանց ձեռքը, սխալ տվեցին, եռագույն դրոշ էր վրան կախված: Այս համբալները հասկացան, որ այդ եռագույն դրոշով պետք է մեր գլխին տան: Բայց այդ մուրջը տրվել է, որ միջազգային ատյաններում ՀՀ անունը բարձր պահեն»,- ընդգծել է ակցիայի մասնակիցը:

Ակցիայի մասնակիցները նամակ են փոխանցել ընդունարան՝ Վահագն Խաչատուրյանին հանձնելու համար:

Ավելի վաղ հայտնել էինք, որ «Համահայկական ճակատ» շարժումը և համանուն կուսակցությունը բողոքի ակցիա են իրականացնում նախագահական նստավայրի դիմաց: Շարժման մասնակիցները պահանջում են, որ ՀՀ նախագահը հրապարակայնորեն ներողություն խնդրի հայ ժողովրդից և հայրենիքի պաշտպանության համար զոհված զինծառայողների ընտանիքներից՝ Դավոսում Ադրբեջանի նախագահ Իլհամ Ալիևին շնորհակալություն հայտնելու համար։