«Ինչո՞ւ այս ամենի հետ կապված՝ ՔԿ-ի, դատախազության գործողությունների մասին որևէ հրապարակում չկա»․ Արթուր Սաքունց

Իրավապաշտպան Արթուր Սաքունցի ֆեյսբուքյան գրառումը․ «Ոստիկանության բաժնում քաղաքացու դեմ բռնություն կատարած ոստիկանի լիազորությունները դադարեցվել են և ընթացք է տրվել, այսինքն՝ հաղորդում է ներկայացվել ՀՀ Քննչական կոմիտե։
Հիմա հարց։
Արժանապատվությունը նվաստացնող ցանկացած դեպքի, տեղեկության դեպքում պետությունը հանձինս իրավապահ մարմնի պետք է անհապաղ, կրկնեմ անհապաղ հարուցի քրեական հետապնդում, և շուտափույթ քննչական գործողություններ իրականացնի։ Այսպիսին է խոշտանգումների, արժանապատվությունը նվաստացնող դեպքերում արդյունավետ քննության իրականացման պահանջը։
Այս ամենի մասին մինչև օրս ՀՀ Քննչական կոմիտեի, դատախազության կողմից որևէ հրապարակում իրականացված գործողությունների մասին չի ներկայացվել։
ԻՆՉՈ՞Ւ»: