ԱՄՆ-ն զորախումբ է ուղարկել Նիգերիա

Ամերիկայի Միացյալ Նահանգները ռազմական խումբ է ուղարկել Նիգերիա։ ԱՄՆ-ի Աֆրիկայի հրամանատարության (AFRICOM) ղեկավար, գեներալ Դագվին Անդերսոնը հայտարարել է տեղակայման մասին։

Ըստ գեներալի, տեղակայումը Վաշինգթոնի և Աբուջայի միջև Արևմտյան Աֆրիկայում ահաբեկչական սպառնալիքին հակազդելու ջանքերը ուժեղացնելու վերաբերյալ համաձայնագրի արդյունք է։

«Սա հանգեցրել է մեր երկրների միջև համագործակցության ընդլայնմանը, այդ թվում՝ փոքր ամերիկյան խմբի ներգրավմանը, որն օժտված է Միացյալ Նահանգներում առկա եզակի հնարավորություններով»,- ասել է Անդերսոնը։

Նա չի մանրամասնել խմբի չափը կամ առաքելության բնույթը։

Դեկտեմբերին ԱՄՆ նախագահ Դոնալդ Թրամփը հրամայել է ավիահարվածներ հասցնել Նիգերիայում «Իսլամական պետության» հետ կապված թիրախներին: