«Բանակցությունները կառուցողական էին և կենտրոնացած երկարատև խաղաղության համար պայմաններ ստեղծելու վրա». Սթիվեն Ուիթքոֆ

ԱՄՆ-ի նախագահի հատուկ դեսպանորդ Սթիվեն Ուիթքոֆն Աբու Դաբիում ռուս-ուկրաինական պատերազմի խաղաղ կարգավորման վերաբերյալ կայացած խորհրդակցությունները որակել է՝ որպես կառուցողական։

«Փետրվարի 4-ին և 5-ին Միացյալ Նահանգների, Ուկրաինայի և Ռուսաստանի Դաշնության պատվիրակությունները Աբու Դաբիում անցկացրեցին երկրորդ եռակողմ հանդիպումը՝ Ուկրաինայում հակամարտության դադարեցման ջանքերի շրջանակներում։ Բանակցությունները կառուցողական էին և կենտրոնացած էին երկարատև խաղաղության համար պայմաններ ստեղծելու վրա»,- գրել է

ԱՄՆ նախագահի հատուկ դեսպանորդ Սթիվեն Ուիթքոֆը Աբու Դաբիում ռուս-ուկրաինական պատերազմի խաղաղ կարգավորման վերաբերյալ կայացած խորհրդակցությունները որակել է որպես կառուցողական։

«Փետրվարի 4-ին և 5-ին Միացյալ Նահանգների, Ուկրաինայի և Ռուսաստանի Դաշնության պատվիրակությունները Աբու Դաբիում անցկացրեցին երկրորդ եռակողմ հանդիպումը՝ Ուկրաինայում հակամարտության դադարեցման ջանքերի շրջանակներում։ Բանակցությունները կառուցողական էին և կենտրոնացած էին երկարատև խաղաղության համար պայմաններ ստեղծելու վրա»,- գրել է Ուիթքոֆը X սոցիալական ցանցում։

Կողմերը, ի թիվս այլնի, քննարկել են «հրադադարի դեպքում իրականացման մեթոդները և ռազմական գործողությունների դադարեցման պահպանման մոնիթորինգը»։

Նրա խոսքով՝ պատվիրակությունները համաձայնել են բանակցությունների արդյունքները հաղորդել իրենց մայրաքաղաքներին և շարունակել եռակողմ քննարկումները առաջիկա շաբաթներին։

Հատուկ դեսպանորդը ընդգծել է, որ ռուս և ամերիկացի զինվորականների միջև բարձր մակարդակի երկխոսության վերսկսումը կարևոր է խաղաղության հասնելու համար։

«Միացյալ Նահանգները և Ռուսաստանը նաև համաձայնության եկան ռազմական երկխոսություն սկսելու հարցում՝ ԱՄՆ-ի Եվրոպական հրամանատարության հրամանատար, գեներալ Ալեքսուս Գրինկևիչի ղեկավարությամբ։ Հաղորդակցության այս ուղին կասեցվել էր հակամարտության սկսվելուց առաջ և կարևոր է խաղաղության հասնելու և պահպանելու համար», - նշեց Ուիթքոֆը։