100000 դոլար մրցանակ` Նյու Յորքի Սեպտեմբերի 11-ի հուշահամալիրից ոգեշնչված կտավին

Լոս Անջելեսի Համմեր թանգարանում (Hammer Museum) ընթացող «Made in LA 2025» բիենալեի շրջանակում նկարիչ Ալի Էյյալն արժանացել է «Mohn Award» գլխավոր մրցանակին։ 100000 դոլար պարգևը նկարչին շնորհվել է «Եվ նայեք, թե ուր գնացի» (And look where I went) կտավի համար, որն ուսումնասիրում է կոլեկտիվ հիշողության և անձնական տրավմայի բարդ խաչմերուկները։
Աշխատանքի կենտրոնում Նյու Յորքի Սեպտեմբերի 11-ի հուշահամալիրն է, որի «սև դատարկությունը» Էյյալի համար դառնում է կորստի մետաֆոր՝ միահյուսելով համաշխարհային ողբերգությունն ու անձնական ապրումները։
«Mohn Award» արվեստի հեղինակավոր մրցանակ է, որը տրվում է Լոս Անջելեսի «Hammer» թանգարանում անցկացվող «Made in L.A.» բիենալեի շրջանակում։
Այն ֆինանսավորվում է Լոս Անջելեսի բարերարներ և արվեստի կոլեկցիոներների կողմից։ Մրցանակը հիմնվել է 2012-ին և շնորհվում է ժամանակակից արվեստագետներին՝ ցուցահանդեսում լավագույն աշխատանքի կամ կարևոր ստեղծագործական ներդրման համար։
Սովորաբար այն համարվում է հեղինակավոր մրցանակ և ուղեկցվում է դրամական պարգևով ու մեծ ճանաչմամբ արվեստի ոլորտում։