«Պաշտոնական Բաքուն հրապարակեց Ռուբեն Վարդանյանի հանդեպ հաշվեհարդարը»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրում է․ «Այսօր պաշտոնական Բաքուն հրապարակեց Ռուբեն Վարդանյանի հանդեպ հաշվեհարդարը: Նրան դատապարտել են 20 տարվա ազատազրկման: Չեմ ուզում այս առնչությամբ կրկնել շատ ասվող խոսքերը, որ Ռուբենը Բաքվի բանտում ազատ է ավելի, քան շատ շատերը ֆորմալ ազատության մեջ:
Ինչպես արտահայտվեցի Արցախի ռազմա-քաղաքական ղեկավարության պատանդառված մյուս ներկայացուցիչների հանդեպ հաշվեհարդարի հրապարակման առնչությամբ, այդ հրապարակումները չպետք է բերեն հուսահատության: Հակառակը, դրանք պետք է լինեն մեր հայրենակիցների վերադարձի հարցի լուծման անհրաժեշտ քայլերի առավել արդյունավետ և ինտենսիվ փնտրտուքի: Ի վերջո, կարծում եմ նաև դա է եղել և շարունակում լինել Հայաստանի հասարակության վերաբերյալ նաև Ռուբեն Վարդանյանի գործնական ձգտումը՝ ունենալ հարցերը գիտակցող և դրանց առարկայական ու խորքային լուծում փնտրող հասարակություն»: