«ՀՀԿ զինանոցում իմփիչմենթի գործիքը սպառված չէ»․ Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան էջում գրել է․ «Հանրապետական կուսակցության զինանոցում իմփիչմենթի գործիքը սպառված չէ:
Հայ ժողովուրդն ինքը պետք է ապացուցի՝ ուզո՞ւմ է ազգային պետություն ունենալ կամ այն վերականգնել, թե՞ Հայաստանը դարձնել թուրքական հինգերորդ անիվ:
Ես չեմ բացառում, որ գարնանը ընդդիմությունը կարող է նաև իմփիչմենթի գործընթացն ակտիվացնել, որովհետև այն չի խանգարում ընտրական պրոցեսին, դրանք զուգահեռ գործընթացներ են։
Ես շատ կցանկանայի, որ ընդդիմադիր ուժերը գիտակցեին, որ իմփիչմենթի հնարավորությունը սպառված չէ։
Իշխանափոխության օրենքով սահմանված երեք ձև կա՝ վարչապետի հրաժարականը, ինչը ես գործնականում հնարավոր չեմ համարում, երկրորդ՝ ընտրություններ, երրորդ՝ իմփիչմենթ, ես կարծում եմ, որ գոնե վերջին երկու գործիքակազմը պետք է օգտագործել:
Հանրապետական կուսակցության զինանոցում իմփիչմենթի գործիքը սպառված չէ, ու ես կարծում եմ, որ կարելի է ակտիվացնել այդ գործընթացը, որովհետև, կրկնում եմ՝ իշխանափոխության այլ ճանապարհ, քան ընտրությունն է կամ իմփիչմենթը, չկա»: