«Կոմբայնանման սարք կա, մի քիչ փող տվեք, էդ սարքից բերեն, պրծնենք էդ փոսերի ցավից»․ Հովիկ Աղազարյան

«Երևանում և էլի ուրիշ տեղերում այդ տխրահռչակ փոսերը որ կան, հաշվարկե՞լ եք արդյոք, թե յուրաքանչյուր ընտանիք այդ փոսերից ինչքան վնաս է ստացել, նախարարությունը հաշվարկե՞լ է արդյոք, թե այդ փոսերի պատճառով ինչքան են հայտնվում խցանման մեջ․․․ Եվ մյուս հարցը՝ ասֆալտապատման աշխատանքների որակը ստուգելու հետ կապված ինչ-որ առաջընթաց ունե՞նք, թե՞ չունենք, որովհետև ո՞նց կարելի է էսօր ասֆալտ անել, հաջորդ տարի հանդիպել էդպիսի փոսերի»,- Կառավարության ծրագրի կատարման ընթացքի և արդյունքների մասին տարեկան զեկույցի ներկայացման ժամանակ ԱԺ պատգամավոր Հովիկ Աղազարյանն այս հարցն ուղղեց ՏԿԵ նախարար Դավիթ Խուդաթյանին։

Նախարարի պատասխանից հետո Աղազարյանն արձագանքեց․ «Զարգացած երկրներում կոմբայնանման սարք կա, փոսը լինում է, երկու ժամ հետո չի լինում, էդքան փող ունեք, մի քիչ փող տվեք, էդ սարքից բերեն, պրծնենք էդ ցավից»․

Փաշինյանը հեռվից բղավեց՝ ասելով․ «Հարցրեք՝ ասֆալտի սե՞րմ ա ցանում էդ կոմբայնը»։