«Թևակոխեցինք քաղաքական կշիռ ունեցող անձերի մակարդակում փոխադարձ տոտալ ոչնչացման փուլ». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Գուցե դա առայժմ չի գիտակցվում, բայց Իրանի ղեկավարության վերին օղակի թիրախային ոչնչացումը ԱՄՆ/Իսրայել համատեղ ռազմագործողության ընթացքում վրեժի առաջնային ֆիզիկական պոտենցյալ թիրախ է դարձնելու ինչպես անձամբ նախագահ Թրամփին ու վարչապետ Նեթանյահույին այնպես էլ, առաջիկայում, ցանկացած պետության իշխող վերնախավի երևելիներին։ Թիրախային ավիահարվածի զոհ դարձան նաև Իրանի հոգևոր առաջնորդ Խամենեիի ընտանիքի մանկահասակ անդամները, ինչը, վրեժի համատեքստում, բոլոր զսպող, մարդասիրական դրդապատճառները չեզոքացնող, դրանք իմաստազրկող նոր իրականության մեջ ընկղմեց բոլորին և ամենուր։ Թևակոխեցինք քաղաքական կշիռ ունեցող անձերի մակարդակում փոխադարձ տոտալ ոչնչացման փուլ»: