«Փաշինյանն ընտրարշավը դարձնելու է օտար ներկայացուցիչներից Հայաստանը փրկելու արշավ»․ Արման Թաթոյան

«Իրական ընդդիմության նպատակն է՝ այնպես անել, որ այս իշխանությունը չկարողանա կառավարել 2026թ․ հետո։ Այդ տեսանկյունից եթե նայենք՝ մենք պետք է չանենք այնպիսի գործողություններ, որոնք Նիկոլ Փաշինյանն օգտագործում է որպես հաղթաթուղթ։ 2021թ․ ընտրություններում նա նախկին-ներկա դիսկուսը տարավ և մարդիկ նաև քվեարկեցին նրա համար, որ դեմ էին նախկին իշխանություններին։ Հիմա այս ընտրությունների ժամանակ ընտրարշավը դարձնելու է օտար ներկայացուցիչներից Հայաստանը փրկելու արշավ, կոնկրետ դեպքում՝ Ռուսաստանի գործակալներից, ինչ ասես կարող է անունը դնել, և ինքը սա դիտում է շանս իր համար, որպեսզի ներկայանա փրկչի կերպարով»,- այսօրվա ասուլիսի ժամանակ ասել է ՀՀ նախկին ՄԻՊ, «Միասնության թևեր»-ի առաջնորդ Արման Թաթոյանը: