«Վահագն Չախալյանն ունի շտապ բժշկական օգնության կարիք»․ Կարեն Վրթանեսյան

Ռազմական փորձագետ Կարեն Վրթանեսյանը ֆեյսբուքյան իր էջում գրում է․ «Մի քանի օր է քաղբանտարկյալ Վահագն Չախալյանն ունի շտապ բժշկական օգնության կարիք․ սուր ցավեր ունի, քար ա դուրս գալիս։ Բայց շտապօգնություն չեն կանչում...
Ընդ որում, այսօր իր խափանման միջոցը պիտի փոխվեր տնային կալանքի, բայց իմ տեղեկություններով երբ փաստաբանը գնացել է դիմավորելու, տեղում ասել են, թե միայն կեսգիշերից հետո են թույլ տալու դուրս գալ։
Վահագնը չի թողնում, որ այս թեմայով աղմուկ բարձրացվի (Վրաստանում էլ է որպես քաղբանտարկյալ շատ ծանր պայմաններում եղել տարիներով, ամուր է, դիմացկուն է), բայց ես համարում եմ, որ չի կարելի լռել, երբ մարդուն բառացիորեն խոշտանգում են։
Այսինքն գիտեն, որ մե՛կ է, մի քանի ժամից գնալու է տուն, բայց այդ մի քանի ժամն էլ են ուզում ավել տանջել։ Կամ ջահանդամ թե տուն չեն տեղափոխում, շտապ օգնություն կանչելն ի՞նչ է, որ չեն անում։
Ի դեպ, այսքան օր է՝ խնդիրը կա, բայց ՄԻՊ-ի աշխատակազմից Վահագնին ոչ ոք չի այցելել»։