Արաղչին ԱՄՆ-ին սպառնում է աղետով ցամաքային ներխուժման դեպքում

Իրանի արտգործնախարար Աբաս Արաղչին հայտարարել է ցամաքային պատերազմին երկրի լիակատար պատրաստության մասին՝ սպառնալով ԱՄՆ-ի զինված ուժերին աղետալի հետևանքներով Իրանի դեմ ցամաքային ներխուժման դեպքում։
Նախորդ օրն ԱՄՆ-ի զինված ուժերի շտաբների պետերի միացյալ կոմիտեի նախագահ, գեներալ Դեն Քեյնը հրաժարվել է գնահատել Իրանի դեմ ցամաքային գործողության հեռանկարները։ Սպիտակ տունը չի բացառել նման գործողությունը, բայց նշել է, որ դեռևս նման ծրագրեր չկան։ «Չէ, մենք սպասում ենք նրանց (ԱՄՆ-ին - խմբ.)... Որովհետև մենք վստահ ենք, որ կարող ենք հակազդել նրանց, և դա նրանց համար մեծ աղետ կլինի»,- ասել է Արաղչին NBC News-ին տված հարցազրույցում՝ պատասխանելով այն հարցին, թե արդյո՞ք Թեհրանը վախենում է ԱՄՆ-ի հնարավոր ցամաքային գործողությունից։