«Զոնդաժ են անում, որ Իրանի պատերազմի ֆոնին Հայաստանը ճանապարհներ տրամադրի Ադրբեջանին». Նարեկ Գալստյան

Լրագրող, քաղաքագետ Նարեկ Գալստյանը ֆեյսբուքյան էջում գրել է. «Հանրային ՀԸ-ում այս պահին իշխանական պրոպագանդիստները զոնդաժ են անում, որ Իրանի պատերազմի ֆոնին Հայաստանը ճանապարհներ տրամադրի Ադրբեջանին Նախիջևան բեռներ ուղարկելու համար: Ու սա այն դեպքում, երբ Հայաստանի սահմանային հատվածներն օկուպացված են թշնամու կողմից, Բաքվի բանտերում շարունակում են գտնվել հայ գերիներ: Ի՞նչ եք կարծում, քպ-ական իշխանությունը, եթե/երբ տրամադրի ճանապարհ Ադրբեջանին, կկարողանա՞ դրա դիմաց հասնել Հայաստանի ինքնիշխան տարածքի թեկուզ մեկ մետր դեօկուպացիային, կկարողանա՞ հետ բերել Արցախի ռազմաքաղաքական ղեկավարությանը… Ինչ-որ բան ինձ հուշում է, որ այս ստորացուցիչ քայլը կներկայացվի՝ իբրև «աննախադեպ ինքնիշխանություն», դեօկուպացիայի մասով կհնչեն սահմանազատման հայտնի կռուտիտները (Կիրանցի հարակից տարածքները հանձնելուց արդեն երկու տարի է անցել, փոխարենը дырку от бублика ենք ստացել), գերիների մասով էլ խորիմաստ դեմքով կասեն, թե աշխատում ենք, մի խանգարեք»: