«Հուշաքարերն ունեցել են բրոնզե ձուլվածքով կիսանդրի կամ լուսանկար, որոնք գողացվել և վաճառվել են»․ Էդուարդ Հայրումյան

Ակտիվիստ Էդուարդ Հայրումյանը ֆեյսբուքյան իր էջում լուսանկարներ է հրապարակել՝ կից գրելով. «Կրկին տեղադրում եմ «Երևանի Պանթեոն 1»-ից լուսանկարներ։
Մենք պետք ա ճանաչենք մեր կողքն ապրող մարդկանց, հասկանանք էլ ինչ տեսակի Չհայեր կան, տանք ինքներս մեր դիագնոզը ու նոր գործենք։
Այս բոլոր հուշաքարերը ժամանակին ունեցել են բրոնզե ձուլվածքով կիսանդրի, լուսանկար կամ այլ վահանակներ, որոնք բոլորը գողացվել են 1994 թվականից հետո և վաճառվել որպես մետաղի ջարդոն։
Ե՛վ գողացողը, և՛ դա գողացողից գնողը, և՛ ձուլողը եղել են մեր կողքը ապրող մարդիկ։ Մեր պարտքն ա բացատրել, որ էս հասարակության մեջ իրանք Չմարդիկ են և իրական հասարակությունն այս հուշաքարերը մաքրողներն ու խնամողներն են։

Եկեք մարտի 14-ին, շաբաթ օրը, առավոտյան 09:00-ից գնանք բարեկարգելու Պանթեոնը 1-ը»։