ՌԴ-ում դատարանը ցմահ ազատազրկման է դատապարտել Crocus City Hall-ում ահաբեկչություն իրականացրած անձանց

Ռուսաստանում ռազմական դատարանը Crocus City Hall համերգասրահում ահաբեկչությունն անմիջականորեն իրականացրած չորս անձի դատապարտել է ցմահ ազատազրկման, հայտնում է Интерфакс-ը։ Դատարանը նաև նրանց տուգանքներ է նշանակել՝ յուրաքանչյուրին 990 հազար ռուբլու չափով։ Նրանք պատիժը կրելու են հատուկ ռեժիմի ուղղիչ գաղութում։

Բացի այդ, դատարանը ցմահ ազատազրկման է դատապարտել ահաբեկչության գործով ևս 11 մեղադրյալների, որոնց քննությունը համարում է ահաբեկչությունն իրականացնողների հանցակիցներ, հաղորդում է РИА Новости-ին։

Եվս չորս մեղադրյալներ դատապարտվել են 19 տարի 11 ամսից մինչև 22.5 տարի ազատազրկման։

Նշենք, որ ահաբեկչությունը տեղի է ունեցել 2024 թվականի մարտի 22-ին։ Ահաբեկիչները ներխուժել են համալիր համերգ առաջ և կրակ բացել հանդիսատեսի և աշխատակիցների վրա, այնուհետև հրդեհել համերգասրահը։ Արդյունքում 150 մարդ զոհվել է։ Կատարվածի պատասխանատվությունը ստանձնել էր «Իսլամական պետության» Աֆղանստանում գործող «Վիլայաթ Խորասան» խմբավորումը։