«Իրա դոշին խփած քարտեզի վրա Մեղրին չկա․ սահմանի առաջին 3-4 կիլոմետրը չկա»․ Ագարակի բնակիչ

«Իրա դոշին խփած քարտեզի վրա Մեղրին չկա, այսինքն՝ սահմանի առաջին 3-4 կիլոմետրը չկա, ուշադիր նայեք»,- այս մասին «Նյուզ»-ի հետ զրույցում նշել է Ագարակի բնակիչը՝ անդրադառնալով հարցին, թե ագարակցիների հետ հանդիպման ժամանակ ինչ դիտարկում արեց նա, որ վարչապետ Նիկոլ Փաշինյանը հունից դուրս եկավ։

Հարցին, թե ինչ է նրան անհանգստացնում, քաղաքացին պատասխանեց․ «Թրամփի ուղին․ նորից թուրքերը լցվելու են մեր շրջան։ Եվ այդ 3 կիլոմետրը, որ չկա, հենց այդ նպատակով է․․․ Պետք չէ ժողովրդին մոլորեցնել։ Եթե Թրամփի ուղին պետք է Ադրբեջանի երկու մասերը միացնի, մենք այստեղ ի՞նչ օգուտ ունենք: Երկաթգիծը մեզ է պատկանելո՞ւ, իհարկե ոչ, ճանապարհը մեզ է պատկանելո՞ւ, իհարկե ոչ: Ասում է՝ մենք ենք վերահսկելու, ո՞նց ես վերահսկելու եթե զորք չունես կարգին․․․ Երկաթգիծը շահագործողը ո՞վ է լինելու, թուրքերը, գալու են էլի լցվեն, ինչպես առաջ էր․․․ Դրան են տանում, ցավոք»,- նշեց ագարակցին: