«Էդ ի՞նչ ես խոստացել Ալիևին, որի հետևից գալու է»․ Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը. «Հարցեր Նիկոլ Փաշինյանին։
Էդ ի՞նչ ես խոստացել Ալիևին զիջել կամ հանձնել ընտրություններից հետո, որ հայտարարում ես «քպ-ի չընտրվելու դեպքում սեպտեմբերին Ադրբեջանը պատերազմ է սկսելու»։
Ինչո՞ւ է սկսելու պատերազմ։
Լուրջ բան ես չէ՞ խոստացել, որի հետևից գալու է։
Բա ասում ես՝ խաղաղություն ես բերել։
Բա ի՞նչ պատերազմ։
Հայաստանի որևէ լուրջ ընդդիմադիր ուժ պատերազմ սկսելու կոչ չի անում։
Մարդիկ հայտարարում են, որ բացառապես դիվանագիտական միջոցներով պետք է աշխատեն լուծելու մեր առջև կանգնած խնդիրները։
Հերի՞ք չէ շանտաժի ենթարկես սեփական ազգին։
Պատերազմ ու զոեր բերել ես բացառապես դու, պարոն Փաշինյան։
Քո վարչապետ չլինելու պարագայում Հայաստանում կսկսվի հույսի, հավատի վերականգնման ու անկախ պետականությունը վերակերտելու ժամանակաշրջանը»։