Մեծ Բրիտանիան Բահրեյնում կտեղակայի հակաօդային հրթիռային համակարգեր

Մեծ Բրիտանիայի պաշտպանության նախարար Ջոն Հիլին հայտարարել է, որ Մեծ Բրիտանիան Բահրեյնում և Քուվեյթում տեղակայելու է հակաօդային հրթիռային համակարգեր։

«Մենք շուտով Բահրեյնում կտեղակայենք թեթև հակաօդային հրթիռային համակարգեր և կանցկացնենք վարժանքներ։ Մենք նաև Քուվեյթում կտեղակայենք Rapid Sentry հակաօդային համակարգեր», - բրիտանական խորհրդարանում ասել է Հիլին։
Նա նշել է, որ Rapid Sentry-ն ցամաքային տեղակայման հակաօդային հրթիռային համակարգ է, «որն արդեն իսկ ապացուցել է իր բարձր արդյունավետությունը» անօդաչու թռչող սարքերի ոչնչացման գործում, այդ թվում՝ Հորմուզի նեղուցում։