«Շահրամանյանը հայտարարել է, որ Փաշինյանը տեղյակ է եղել», «Ստում է, ես ներկա եմ եղել»․ վեճ՝ Լիլիթ Գալստյանի և Ռուբեն Ռուբինյանի միջև

«Այսօր դուք եկել եք այստեղ և լեգիտիմացնում եք Արցախում էթնիկ զտումը, հետին թվով մեղքը գցում եք ում վրա ասես։ Ես ուզում եմ ձեզ հիշեցնել Շահրամանյանի բացահայտումը և հրապարակային հայտարարությունը, որ այդ վերջին հայտարաությունը համաձայնեցվել է Նիկոլ Փաշինյանի հետ, Փաշինյանը տեղյակ է եղել»,- ԱԺ նիստում հայտարարեց «Հայաստան» խմբակցության պատգամավոր Լիլիթ Գալստյանը։

«Ստում է, ես ներկա եմ եղել, չի եղել այդպիսի բան, ես ներկա եմ եղել բոլոր զրույցներին, պետք չի այստեղ ստեր ասեք»,- միջամտեց ԱԺ փոխխոսնակ Ռուբեն Ռուբինյանը։

«Ինձ մի՛ ընդհատեք, դուք դրա իրավունքը չունեք,- ասաց Լիլիթ Գալստյանը և շարունակեց,- Շահրամանյանը փաստում է, որ այդ փաստաթղթի վրա աշխատել է նաև Նիկոլ Փաշինյանը։ Հիմա եկեք հասկանանք․ դուք դադարել եք լինել Արցախի անվտանգության երեշխավորը և հիմա հայտարարում եք, որ Ղարաբաղը համալրեց կորսված հայրենիքի շարքը։ Այո, կշարունակեն նաև նոր տարածքներ համալրել այդ շարքը, քանի դեռ իշխանությունը վարում է այսպիսի ապազգային քաղաքականույթուն»։