«Ձեր ծնոտին հագցրել էին․ դուք հիմա աշխատանք ունեք, որովհետև ես եմ վարչապետ»․ Նիկոլ Փաշինյանը՝ լրագրողին

«Ի՞նչ էր տեղի ունեցել ձեզ հետ․․․ Ձեր ծնոտին հագցրել էին։ Հիմա դուք աշխատանք ունեք, որովհետև ես վարչապետ եմ»,- այս մասին այսօր ճեպազրույցի ժամանակ ասաց վարչապետ Նիկոլ Փաշինյանը՝ դիմելով լրագրողին, ով հայտարարել էր, որ Փաշինյանին քվե չի տալու։

«Մարդիկ ովքեր Ձեզ ֆինանսավորում են, իրենց պետք եք դուք, որ գաք էս միկրաֆոնի տակ կանգնեք՝ «դոշ ծեծելով» ինչքան վիրավորական, ինչքան բարոյականության հետ սահմանակցող արտահայտություն անեք, ու իրենք էլ ասեն՝ տեսեք՝ ինչ թույլ է, ծնոտին չտվեց։ Բայց իմ ուժեղությունը ծնոտին տալու մեջ չի, իմ ուժեղությունը լեգիտիմության մեջ է․․․ Ես որ վարչապետ չլինեմ, 4 ժամ հետո աշխատանք չեք ունենալու, ֆայլաբազարում եք կանգնելու, որ օրվա հացի փող վաստակեք»,- նշեց Փաշինյանը։