«Սա այսօրվա իշխանության ուղիղ ձեռագիրն է»․ Գևորգ Գևորգյան

«Սա այսօրվա իշխանության ուղիղ ձեռագիրն է»,- հասարակական, քաղաքական գործիչ Գևորգ Գևորգյանն այսպես մեկնաբանեց Սուրբ Աննա եկեղեցում տեղի ունեցած միջադեպի մասնակից Դավիթ Մինասյանի կալանավորումը։ Հիշեցնենք, որ այդ գործով մեղադրյալի կարգավիճակ ունի նաև Գևորգյանը։
«Սուրբ Աննա եկեղեցում ես եղել եմ ծխական խորհրդի անդամ և երևի մի հինգ-վեց անգամ տեսել եմ եղբայրներին։ Երբ ինձ տեսնում էին՝ բարևում էին։ Այդ օրը, երբ Նիկոլը գալիս էր եկեղեցի, ինքը տեսնում էր, որ այդ եկեղեցում չկան այն մարդիկ, որոնք պետք է իրենց դիմավորեն։ Իմ խորին համոզմամբ, իրենք դա միշտ կազմակերպում են բոլոր տեղերում, բայց այստեղ կազմակերպված չէր ոչ մեկի կողմից և իրենք այդտեղ հանդիպեցին հայ ժողովրդի իրական մոտեցմանը իրենց նկատմամբ, որին իրենք արժանի են։ Իսկ երիտասարդները դրանով իրենց ըմբոստությունը ցույց տվեցին։ Իրենք ընբոստ, ուժեղ, ամուր հայից վախծենում են՝ անկախ նրանից դա 10 տարեկան է, մանուկ է, երիտասարդ է թե հասուն տարիքի մարդ է, յուրաքանչյուր հայ, ով կարող է ըմբոստանալ իրենց նկատմամաբ՝ ընդունում են որպես պատերազմի ձեռնոց»,- նշեց Գևորգյանը։

Խոսելով այս գործով իր կարգավիճակի մասին՝ Գևորգ Գևորգյանը նշեց․ «Ես համոզված եմ, որ ինձ այլ պատճառներով են ձերբակալել, երևի ուզում են անպայման մի բան գտնել, որովհետև այսքան տարիների ընթացքում ինձ ոչ մի ձև չեղավ լռեցնել։ Խուզարկել են իմ և ծնողներիս բնակարանները»։