Փենթագոնն աշխատանքից ազատել է ԱՄՆ ցամաքային զորքերի շտաբի պետին

Փենթագոնի ղեկավար Փիթ Հեգսեթն աշխատանքից ազատել է ԱՄՆ ցամաքային զորքերի շտաբի պետ Ռենդի Ջորջին, հայտնել է ԱՄՆ պատերազմի նախարարությունը՝ առանց պատճառները նշելու։

«Գեներալ Ռենդի Ջորջն անմիջապես կհեռանա ԱՄՆ բանակի 41-րդ շտաբի պետի պաշտոնից։ Պատերազմի նախարարությունը շնորհակալություն է հայտնում գեներալ Ջորջին մեր երկրին ծառայելու համար»,- ասվում է հայտարարության մեջ, որը X-ում հրապարակել է Փենթագոնի պաշտոնական ներկայացուցիչ Շոն Փարնելը։

CBS News-ի հաղորդմամբ՝ աշխատանքից ազատվել են նաև երկու այլ բարձրաստիճան սպաներ՝ գեներալ Դեյվիդ Հոդնը, որը ղեկավարում էր բանակի վերապատրաստման և վերափոխման հրամանատարությունը, և գեներալ-մայոր Ուիլյամ Գրինը, որը ղեկավարում էր հոգևոր կորպուսը։