«Ամեն ինչը հորինված է, սուտ է»․ Գևորգ Հարությունյանը հրաժարվեց պնդել, որ սպանությունն ինքն է կատարել

Այսօր Երևանի ընդհանուր իրավասության քրեական դատարանում Մերձավանում Փարաքարի համայնքապետ Վալոդյա Գրիգորյանի և Կարեն Աբրահամյանի սպանության գործով դատական լսումների ժամանակ մեղադրյալ Գևորգ Հարությունյանը հրաժարվեց, պնդել, որ սպանությունն ինքն է կատարել։ Նա նշեց, որ ստել է։

«Էս ամենը ինչը վերցրել եմ իմ վրա այն նույն պատճառով, ինչ ասել էի։ Տարել եմ տեղն եմ ցույց տվել, իբր այդտեղ եմ կրակել սովորել, ամեն ինչը հորինված է, սուտ ու անիմաստ տեղ է․․․»,- հայտարարեց Գևորգ Հարությունյանը։

Նիստի ավարտին դատարանում լրագրողները հարց հնչեցրին՝ ո՞վ է վախեցրել, Գևորգ, անուննե՛ր տվեք, Հարությունյանը չարձագանքեց։

Հիշեցնենք՝ նիստի մեկնարկին շարունակվեց ապացույցների հետազոտումը, այդ թվում՝ նախաքննության ընթացքում սպանությունը կատարելու մեջ մեղադրվող Գևորգ Հարությունյանի խոստովանական ցուցմունքը տեղում ստուգելու գործողությունների տեսագրությունը, որտեղ Հարությունյանը խոստովանում է, որ ինքն է սպանությունն իրականացրել և նկարագրում է սպանության պրոցեսը։