ԱԹՍ-ների հարվածից հրդեհվել է Ռուսաստանի խոշորագույն քիմիական գործարաններից մեկը

Ռուսական լրատվամիջոցները, հղում անելով ականատեսներին, հաղորդում են «Ապատիտ» գործարանում տեղի ունեցած հզոր պայթյունների մասին: «Ապատիտ»-ը երկրի ամենամեծ արտադրողներից մեկն է ամոնիակի և ամոնիումի նիտրատի՝ պաշտպանական արդյունաբերության համար կարևորագույն հումքի, հիմնականում պայթուցիկ նյութերի և վառոդի արտադրության համար։

Գործարանը Եվրոպայի ամենամեծ ֆոսֆատային պարարտանյութերի արտադրողներից մեկն է և գտնվում է սահմանից մոտ 800 կմ հեռավորության վրա։

Հարձակումը հաստատել է քաղաքի քաղաքապետ Անդրեյ Նակրոշաևը, ով հայտարարել է, որ օդային հարձակման ազդանշանները չեն հնչեցվել, քանի որ հարվածը «տեղայնացված» էր և ուղղված էր արդյունաբերական օբյեկտին։