«Նա այդպես կառավարում է իր էլեկտորատը»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. ««Քիչ անց Փաշինյանը կորցրել է ինքնատիրապետումը․ «Հերիք է, ժողովրդի ներվերն ինչքա՞ն կարելի է քայքայել»,- հայտարարել է վարչապետը, ելույթ ունենալով իշխող «Քաղաքացիական պայմանագիր» խմբակցության պատգամավորների առջև», հայտնում է լրատվական կայքերից մեկը, նկատելով, որ Նիկոլ Փաշինյանը ինքնատիրապետումը կորցրել է անգամ խորհրդարանի նիստում ընդդիմության բացակայության պայմաններում:

Առարկեմ: Հարգելի գործընկերներ, Նիկոլ Փաշինյանը ինքնատիրապետումը չի կորցնում, այլ հակառակը՝ «գտնում» է անհրաժեշտ պահին, երբ պետք է խաղալ հերթական հուզախառն-նյարդային պոռթկումն իր էլեկտորատի առաջ: Նա այդպես կառավարում է իր էլեկտորատը: Նրա էլեկտորատը «երես կթեքի», եթե հանկարծ տեսնի Փաշինյանի, որը չի «կորցնում» ինքնատիրապետումը, դուրս չի գալիս «հունից»: Էլեկտորատը այդ ժամանակ կհամարի, որ Փաշինանը ֆեյք է:

Իսկ, եթե հանկարծ համարեն, որ Փաշինյանը «ֆեյք» է, առաջինը հենց էլեկտորատը կխժռի այդ ֆեյք Փաշինյանին, իսկ «ճաշկերույթին» հաճույքով կմիանա իհարկե նաև խմբակցությունն ու ՔՊ-ն ամբողջությամբ, որովհետև նրանց համար էլ՝ «հանգիստ» Փաշինյանը «ֆեյք Փաշինյան» է: Իսկ այդ դեպքում նրանց մոտ առաջանալու է ինքնապաշտպաննության բնազդ՝ ընդդեմ «ֆեյքի»:

Ահա թե ինչու է Նիկոլ Փաշինյանը դուրս գալիս «հունից», «կորցնում» ինքնատիրապետումը: Եվ կապ չունի՝ նիստերի դահլիճում որևէ շունչ կա, թե ոչ»: