«Կիբեռանվտանգության ոլորտում կիրառելի միջազգային ստանդարտների ցանկ կսահմանվի»․ Գևորգ Մանթաշյան

ԲՏԱ նախարարի առաջին տեղակալ Գևորգ Մանթաշյանն այսօր Կառավարության նիստում ներկայացրեց Կիբեռանվտանգության ոլորտում կիրառելի միջազգային ստանդարտների ցանկը սահմանելու մասին որոշման նախագիծը, համաձայն որի՝ օրենքից բխող կենսական նշանակության ոլորտներում շահագործող կրիտիկական տեղեկատվական ենթակառուցվածքների վերաբերյալ միջազգային ստանդարտներ են սահանվում։

Նրա խոսքով սահմանվում են նաև կիբեռանվտանգության ապահովման ծառայություն մատուցողների նկատմամբ պահանջներ, ինչպես նաև տվյալ համակարգերն աուդիտ անցկացնելու դեպքում աուդիտ անցկացնելու ստանդարտներ:

«Կարծում ենք՝ սա մեր հանընդհանուր անվտանգության նկատմամբ ներդրում է լինենլու»,- ընդգծեց Մանթաշյանը՝ հավելելով, որ սա անակնկալ չէ, քանի որ այն 3 անգամ դրվել է idraft համակարգում և քննարկվել է ոլորտի ընկերությունների ներկայացուցիչների հետ:

Փոխվարչապետ Մհեր Գրիգորյանն արձագանքեց․ «Պետության պաշտպանված չլինելը՝ կիբեռանվտանգության տեսանկյունից, նշանակում է պետության խիստ խոցելիություն։ Հիբրիդային պատերազմների դրսևորւմները մենք զգացել ենք մեզ վրա, պիտի կանխարգելենք, չխորանան»։