Նիկոլ Փաշինյանը հայց է ներկայացրել Սամվել Կարապետյանի դեմ

«Սնկի հետ կապված պատմությունը էդ ի՞նչ էր։ Այդպիսի հայտարարություն ո՞նց կարելի է անել, դա լո՞ւրջ մարդու հայտարարություն է»,- ճեպազրույցի ժամանակ ասաց Նիկոլ Փաշինյանը՝ անդրադառնալով Սամվել Կարապետյանի այն հայտարարությանը, թե վարչապետը Չինաստանից սունկ է բերել, ուտում է և հալյուցինացիաներ է ունենում։ «Հայտարարել էիք, որ դատի եք տալու, հայց ներկայացրե՞լ եք»,- հետաքրքրվեցին լրագորղները։ «Այո, ներկայացրել եմ»,- պատասխանեց Փաշինյանը և շարունակեց․ «Սկզբից ասում ա՝ ձեզ մի գաղտնիք ասեմ, հետո՝ ես հո չեմ ասում 100 տոկոս։ Ու էդ մարդը եկել, ուզում է Հայաստանում քաղաքականություն անի՞, ու ասում ա՝ ես ուժե՞ղ եմ։ Մի հատ կես բերան ասում ես՝ դատի եմ տալու, սունկ եմ կերցնելու, ոտները թուլանում ա, ձեռքերը բարձրացնում, ասում՝ ես տենց չեմ ասել։ Դրա համար ասում եմ՝ խոսելուց, որևէ բան անելուց առաջ մտածե՛ք»։