Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Աթենքի ազգային հնագիտական թանգարանում Հայաստանի պատմության թանգարանի տնօրեն Դավիթ Պողոսյանը և Աթենքի ազգային հնագիտական թանգարանի գլխավոր տնօրեն Կոնստանտինոս Նիկոլենցոսը ստորագրել են փոխըմբռնման հուշագիր։
Այդ մասին հաղորդագրություն է տարածել Հայաստանի պատմության թանգարանի մամուլի ծառայությունը։
Հուշագրի շրջանակներում նախատեսվում է իրականացնել համատեղ ցուցահանդեսներ, գիտական, մշակութային միջոցառումներ, մասնագիտական փորձի փոխանակում։
Հուշագրի ստորագրման արարողությանը ներկա են եղել Հայաստանի Հանրապետության կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը և Հունաստանի Հանրապետությունում Հայաստանի Հանրապետության արտակարգ և լիազոր դեսպան Տիգրան Մկրտչյանը։
Ստորագրմանը հաջորդել է շրջայց Աթենքի ազգային հնագիտական թանգարանում՝ գլխավոր տնօրենի ուղեկցությամբ։
Հուշագրի ստորագրմանն անդրադարձել է նաև Հունաստանում Հայաստանի դեսպան Տիգրան Մկրտչյանը։
«Երկու տարի առաջ մեկնարկած քննարկումները և համագործակցության առաջարկությունները ՝ Հունաստանում ՀՀ դեսպանության նախաձեռնությամբ, ստացան իրավապայմանագրային բնույթ Հայաստանի պատմության թանգարանի և Աթենքի հնագիտական թանգարանի միջև Համագործակցության հուշագրի ստորագրմամբ։ Ի դեպ, Ակրոպոլիսի թանգարանում Հայաստանին նվիրված աննախադեպ ցուցահանդեսի կազմակերպման քննարկումներին զուգահեռ քննարկվել է նաև Հին Հունաստանին նվիրված Հայաստանում երբևէ առաջին ցուցահանդեսի կազմակերպումը, ինչը, հուսանք, կյանքի կկոչվի առաջիկայում»,-«Ֆեյսբուք»-ի իր էջում գրել է դեսպանը։

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն
1400:12
Հին Կապանում հայտնաբերվել է իշխանական գավազանի բրոնզե գլխիկ (լուսանկար)
58Երեկ, 23:30
Աֆրիկյան եղբայրներ․ հայ բարերարներ, որոնք իրենց հետքն են թողել Երևանի պատմության մեջ (լուսանկար)
61Երեկ, 23:12
«Արցախ» կամերային նվագախումբը հայտարարություն է տարածել
107Երեկ, 19:54
Կատարվեց քահանայական ձեռնադրություն (լուսանկար)
92Երեկ, 19:00
Լևոն Աբրահամյանն ընտրվել է Հայաստանի նկարիչների միության նախագահ
19521.11.2026, 23:24
Շվեյցարական Ալպերում հայտնաբերվել է գրեթե չորս հազար տարվա վաղեմության բրոնզե զարդ (լուսանկար)
77019.11.2026, 23:43
Յուրի Պետրոսյանի 85-ամյակին նվիրված հետահայաց ցուցահանդեսը ներկայացնում է արվեստագետի ստեղծագործական ուղու տարբեր փուլերը (լուսանկար)
75115.11.2026, 23:54