Ուրբաթ, 12 հունիսի, 2026 թ.
|
Ստեփանակերտում`   +19 °C

«Ակնաղբյուրի դպրոցը փորձում են օպտիմալացման քողի տակ փակել»․ Գառնիկ Դանիելյան

«Ակնաղբյուրի դպրոցը փորձում են օպտիմալացման քողի տակ փակել»․ Գառնիկ Դանիելյան
292
Ուրբաթ, 15 մայիսի, 2026 թ., 18:18

«Հայաստան» խմբակցության պատգամավոր Գառնիկ Դանիելյանը ֆեյսբուքյան ուղիղ եթերում հայտնում է․ «Ես հիմա գտնվում եմ Տավուշի մարզի Ակնաղբյուր գյուղում, սա մեկն է այն հարյուրավոր դպրոցներից, որը կառավարությունը փորձում է փակել։ Գիտեք, որ օպտիմալացման քողի տակ հարյուրավոր դպրոցներ Հայաստանի Հանրապետության տարբեր մարզերում փակվում են, դա հիմնականում սահմանամերձ և փոքր համայնքների դպրոցներն են։ Դա անթույլատրելի է։

Դպրոցների փակումը հանգեցնելու է նրան, որ գյուղում արտագաղթի տեմպերը ահագնանալու են։ «Հայաստան» դաշինքի իշխանության գալու պարագայում մենք բացառելու ենք սահմանամերձ փոքր համայնքների դպրոցների փակելու այս խայտառակ ծրագիրը։

«Հայաստան» դաշինքի ծրագրում ներառված է նաև 15 տարի ստարժ ունեցող մանկավարժների ավտոմատ ատեստավորումը և պատշաճ աշխատավարձի նշանակումը»։

Աղբյուրը`   Գառնիկ Դանիելյան