Երկուշաբթի, 01 հունիսի, 2026 թ.
|
Ստեփանակերտում`   +16 °C

«Թող ոչ մի երեխա այլևս ստիպված չլինի անցնել նման արհավիրքների միջով». Արցախի Հանրային խորհուրդ

«Թող ոչ մի երեխա այլևս ստիպված չլինի անցնել նման արհավիրքների միջով». Արցախի Հանրային խորհուրդ
43
Այսօր, 20:48

Արցախի Հանրային խորհուրդը Երեխաների պաշտպանության օրվա առիթով ուղերձ է հղել:

«Յուրաքանչյուր երեխա ունի կյանքի, անվտանգության, ազատ տեղաշարժի, սննդի, կրթության և անհոգ մանկության իրավունք։

Ցավոք, 2020 թվականից ի վեր բոլոր այդ իրավունքները խախտվել էին Արցախի երեխաների համար։ Նրանք անցել են ծանրագույն արհավիրքների միջով՝ պատերազմ, շրջափակում, բռնի տեղահանում և իրենց հայրենի միջավայրից զրկվելու ցավալի փորձություն, ինչը խոր հետք է թողել նրանց մանկության, հոգեբանության և ապագայի զգացողության վրա։

Արցախի Հանրապետության Հանրային խորհուրդը վերահաստատում է՝ երեխաների իրավունքների պաշտպանությունը պետք է լինի բոլորի առաջնահերթությունը՝ անկախ քաղաքական, աշխարհաքաղաքական կամ այլ հանգամանքներից։

Մաղթում ենք, որ ոչ մի երեխա այլևս ստիպված չլինի անցնել նման արհավիրքների միջով և յուրաքանչյուր երեխա ապրի խաղաղ, անվտանգ, արժանապատիվ ու սիրով լի միջավայրում»,- ասված է ուղերձում:

Կարդացե՛ք նաև