«Պռոշյանում վարձակալած տարածքը ՔՊ-ն 20 հազար դրամ է հայտարարագրել»․ Լիպարիտ Դրմեյան

«Ամենաակնառու խնդիրը, որ տեսել ենք՝ քարոզչության անհավասար պայմաններն էին ՔՊ-ի մասով»,- ասուլիսի ժամանակ ասել է «Միասնության թևեր»-ի ներկայացուցիչ Լիպարիտ Դրմեյանը։ «Եթե նայեք նախընտրական հիմնադրամի վերաբերյալ ՔՊ-ի հաշվետվությունը, ապա այնտեղ 130 անշարժ գույք է ներկայացված, որոնք անհատույց տրվել են այս ուժին։ Օրենքը պարտադրում է, որ հաշվետվության մեջ, եթե անհատույց է գույքը տրամադրվում, առնվազն շուկայական արժեքը նշվի։ Պռոշյան համայնքում, որտեղ նաև մեր կուսակցությունն ունի վարձակալած գույք, ՔՊ-ն հայտարարագրել է այդ գույքը 10 անգամ էժան։ 20 հազար դրամ հայտարարագրվել է որպես շուկայական արժեք այն դեպքում, երբ նույն փողոցի վրա մեր վարձակալած գրասենյակը 10 անգամ ավելի բարձր գին ունի, և սա վերաբերում է մյուս գույքերին»,- մանրամասնել է նա։