Քննիչները կապարակնքել են «Արարատ» թենիսի ակումբի դռները

Քննիչներն այսօր առավոտյան կապարակնքել են «Արարատ» թենիսի ակումբի և կորտերի դռները․ հայտնում է «Ազատություն»-ը։ Ոստիկանության աշխատակիցն ասել է, որ դեպքի վայրի զննության է կատարվում, այլ մանրամասներ չի հաղորդել:

Թենիսի աջակցության հայկական հիմնադրամի նախագահ Յուրի Մկրտչյանը պատմել է. «Ժամը 10-ն անց էր, մտան երկու հոգի, ներկայացան՝ Քննչական վարչություն, հետներն էլ մի 5-6 ոստիկան, ասացին, իրենք ունեն որոշում, պետք է կորտերի ամբողջ տարածքը պլոմբեն, տվեցին ժամանակ, որ դուրս գանք տարածքից»:

2024 թվականին Երևանի քաղաքապետ Տիգրան Ավինյանը հայտարարել էր Օղակաձև այգու կորտերը քանդելու ու թենիսի ակումբը տեղափոխելու մասին։ Կապ ունի՞ այսօրվա տեղի ունեցածը այս հայտարարության հետ, դեռևս պարզ չէ: