«ԱԺ աշխատակազմի փոփոխությունների հետ կապված ծրագրեր ունե՞ք»․ հարց՝ Ռուբեն Ռուբինյանին

«ԱԺ աշխատակազմի փոփոխությունների հետ կապված ծրագրեր ունե՞ք։ Որևէ պաշտոնյայի ազդակ չեք հղե՞լ, որ կարող են ճամպրուկները հավաքել»,- ճեպազրույցի ժամանակ լրագրողը հետաքրքրվեց ԱԺ փոխնախագահ Ռուբեն Ռուբինյանից, ով ՔՊ նիստում ընտրվել էր ԱԺ նախագահի թեկնածու։ «Հիմա պատեհ չեմ համարում այդ մասին խոսել, կխոսեմ, երբ կլինի դրա ժամանակը։ Եթե նման բան անեի, կլիներ ժամանակավրեպ, որովհետև հիմա ընդամենը ՔՊ վարչությունը որոշել է առաջադրել իմ թեկնածությունը, այս պահին կա ԱԺ գործող նախագահ, գործող աշխատակազմ»,- ի պատասխան ասաց Ռուբինյանը։